شيرين: لو جوزي اداني 10 جنيه هبوس جزمته
واصلت الفنانة شيرين، الإفصاح عما كانت تعانيه خلال زواجها من الفنان حسام حبيب.
جاء هذا خلال لقاء مسجل مع الإعلامى عمرو أديب، في برنامج الحكاية، على قناة ام ب سي.
مسئولية الزوج
وذكرت أن الرجل يجب أن يكون رجلا ويتولى مسئولياته، حتى لو كانت زجته تكسب الملايين شهريًا.
وتابعت: الصلح في حالتى معجزة من ربنا، اللى انا فيه كان ليه تمن وبيندفع والموضوع مستحيل،
شيرين عبد الوهاب وحسام حبيب
وأوضحت: "لازم الراجل يفضل راجل والست تفضل ست لو بتكسب 2 مليون جنيه في الشهر، لو جوزى بيشتغل سواق تاكسى وادانى 10 جنيه وقالى دى مقدرتى هبوس جزمته واقوله على راسى من غير ما يبص الست بتاعته بتكسلب كام".
وأكملت شيرين: "لكن لو الراجل حس ان الست بتاعته أعلى منه في اى شيء خصوصا الماديات هيحس انه ضعيف، لكن الراجل يفضل راجل ودكر بالقرش بتاعه لو عاجبك تعيشى على كده دى مقدرتك مش عاجبك روحى لحالك".
أزمة شيرين
وكانت النجمة شيرين عبد الوهاب عبرت عن سعادتها بإحياء حفلها الغنائى فى أبو ظبى بالإمارات، وتواجدها وسط الجمهور، بعد أزمة طلاقها من الفنان حسام حبيب، طالبة من الجمهور أن يتقبلها بشكلها الجديد بعد تخليها عن شعرها وحلاقته بالكامل.
وقالت شيرين، فى مقطع فيديو من الحفل، انتشر عبر منصات السوشيال ميديا: "مبسوطة إنى معاكم.. ويارب تقبلونى بالشكل ده، بس انتوا عارفين.. أنا كده فوقت"، وسط تفاعل كبير من جمهور الحفل، الذى هتف قائلا: "بنحبك يا شيرين".
وظهرت النجمة شيرين عبد الوهاب، حليقة الشعر، خلال إحيائها حفلا غنائيا فى مدينة أبو ظبى بالإمارات العربية المتحدة، فى أول ظهور لها بعد طلاقها من حسام حبيب و
عبر عدد من نجمات الفن، عن دعمهن الكبير للفنانة شيرين عبد الوهاب، بعد ظهورها الأخير ومفاجئتها للجمهور بـ"حلاقة" شعرها بشكل كامل، ووجهت عدد من النجمات رسائل لشيرين، وعلى رأسهن الفنانة كندة علوش ومى كساب.
ومن جهتها، قالت مى كساب عبر حسابها على موقع "تويتر"، "يا شيرين قابلينك وفاهمينك واللي مش فاهم مش مهم يفهم مش مضطره تبرري بس ردي على التليفون عشان وحشتيني يا بنت عاوزه أسمع صوتك وبعدين شعرك بيطول بسرعة إحنا عارفين المهم إنك ارتاحتي يا أختي العزيزة".
فيما وجهت الفنانة كندة علوش، رسالة للنجمة شيرين، وقالت: "أنتِ قمر بكل حالاتك.. وزادت حلاوتك وتعملي اللي يعجبك طالما مش بيضر حد، وحشتينا وكلنا منتظرين جديدك والأهم.. تكوني مرتاحة وفرحانة".كما قالت سمية خشاب، عبر ستورى حسابها على موقع فيسبوك: "شيرين الاحساس والابداع، كلنا بنحبك، وبنعشق صوتك واحساسك يلا بقى عايزين أغانى تكسر الدنيا كالعادة واللى فات مات، بكره أحلى وأجمل وأرجوكى حبي نفسك وقدريها وخافى عليها ودلعيها لأنها تستحق".
