بهاء الدين محمد يوجه رسالة قاسية لـ شيرين عبد الوهاب

وجه الشاعر الكبير بهاء الدين محمد رسالة قاسية للفنانة شيرين عبد الوهاب بعد ردها على أحد متابعيها أنها ندمت على غناء أغنية متجرحنيش وذلك خلال منشور عبر صفحته الشخصية على موقع التواصل الاجتماعي فيسبوك.

وقال بهاء الدين خلال المنشور: مش متعود أرد على أي حد ولكن لما حد يتجاوز حدوده لازم يقف مكانه ويعرف إنه مهما إتعود يغلط لازم ييجى عند بعض الأسماء ويحاسب ويخلى باله وخاصة لما حد ف كل كارثة يدافع عنها !!!

وتابع: وحأتكلم بإختصار جدا المشهد الأول.. أول يوم دخلت شيرين عبدالوهاب مكتبى كانت مع الأستاذ نصر محروس اللى هو صاحب الفضل ف تقديمها ، وبعد دقائق من اللقاء لقينا شيرين بتبكى وسألها نصر بتعيطى ليه ردت علشان أنا قاعده مع الأستاذ بهاء !!!

وأضاف: والمشهد الثانى.. رشحتها تغنى كتير بنعشق ولولا موافقة نصر إحتراما للعشرة اللى بنا ماكانتش حتغنيها لأنها كانت موقوفه من النقابة.

واستطرد: المشهد الثالث.. لما فوجئت بمدير أعمالها الرجل اللى أنا بأحبه وبأحترمه لقيته بيكلمنى نيابة عنها ويقولى سمعني الجديد وده طبعا خطأ لأن اللى بيغنى مهما كان إسمه مش المفروض يغلط غلطه زى دى !!! لأن المشهد ده مش لايق على المشهد الأول .

واستكمل: المشهد الرابع والأخير.. أغنية ماتجرحنيش أنا لحد الأن مش عاجبنى غُنا شيرين مع إحترامى الكامل لصوتها وأكيد لولا الأستاذ نصر ماكانش حيتم اللقاء وماتجرحنيش من أهم أعمالي ومن حقي أدافع عنها نتاج تهور اللى غنيتها

واختتم: وكمان لأول مره ألاقى حد بيحارب نَفسه وبيغلط في مبدعين إشتركوا في صناعته، وعشان أكتب الكلام ده يبقى شيرين غلطانه كالعادة بس كان لازم أقولها ماتعمليش كده تانى وأنتى بتكبرى بس مش حتعدى حدود حجم بعض الأسماء ولا أعمالهم.