نوال الزغبي: «اللي يفرط في كرامته مايتزعلش عليه»
أكدت النجمة اللبنانية نوال الزغبي، أنها لم تلجأ إلى طبيب نفسي طوال حياتها وتعودت أن تتحدث مع نفسها وتصارح نفسها ولكنها في مرة أحضرت طبيب نفسي لابنها الصغير وطرده من المنزل، مضيفة: "اللي شوفته في حياتي خلاني زيرو ثقة في الناس وأنا ست قوية واتظلمت كتير في حياتي".
وأوضحت الفنانة نوال الزغبي، خلال حوارها ببرنامج "حبر سري" مع الاعلامية اسما ابراهيم، على قناة القاهرة والناس، أنها تفضل تخطي المواقف السيئة فى حياتها سريعا، متابعة: "بحب اعدى المواقف الوحشة بسرعة ونفسى اعيش قصة حب ويكون الراجل اللي بتمناه ويكون راجل حنين واقدر اتسند عليه فى امور ومواقف ويحسسنى أنه فق سند فى الحياة". واستكملت: "اتمنى يكون راجل اللي احبه طبيعي، وعدى عليا أشباه رجال كتير بس على مين ولما شخص يفضل يمدح فى نفسه بيقع من نظري، وأميل إلى الراجل الطبيعي مش الغامض".
نوال الزغبي :أتمنى واحد زي السيسي
أكدت النجمة اللبنانية نوال الزغبي، أن مصر تعيش حالة من الازدهار العظيم بالنسبة لها كلبنانية تعاني في بلادها، وأشادت بالرئيس عبد الفتاح السيسي قائلة: "الرئيس المصري جدع وراجل وعنده مسئوليات كتير بس الخير هيعم أكثر وأكثر وبحسد المصريين عليه وربنا يديله طولة العمر". وأضافت الفنانة نوال الزغبي، خلال حوار ببرنامج "حبر سري" مع الاعلامية اسما ابراهيم، على قناة القاهرة والناس، أنها تعرضت للويل من بلادها وحكام بلادها، متابعة: "مصر بقى فيها ازدهار مخيف وأنا كلبنانية شوفت الويل من بلدي والويل من حكام بلدي ولما تيجي مصر وتشوفي الخير والازدهار بحس انى عايشة فى لندن".
وتابعت: "وضع مصر لما تكون بلد طالعه من مشكلة كبيرة بيكون الوضع مش مظبوط ولكن مصر تتقدم إلى الامام وأنا كلبنانية بعرف قيمة اللي بيحصل في، واحنا في لبنان الى الوراء ومصر إلى الامام ونتمنى لبلدنا اللي بيحصل فى مصر وأتمنى واحد زي السيسي يحكمنا".
