رجاء الجداوي تكشف كيف أثرت أبنتها علي أختيار أدوارها الفنية

أستضافت الفنانة صفاء أبو السعود الفنانة الرحلة رجاء الجداوي في برنامج نلفزيونب بعنوان ساعة صفا كانت تقدمه علي شاشة تلفزيون art .

طلبت صفاء ابو السعود من الفنانة رجاء الجداوي تحكي عن  موقف حصل لها  بعد مسلسل احلام الفتي الطاير و ازاي بنتها أميرة كانت السبب في تغيير طريقة اختيارها لادوارها بعد كده.

قالت الفنانة رجاء الجداوي لما كنت بعمل أحلام الفتى الطاير ، كانت أميرة عندها 3 أو 4 سنين ، و دوري في المسلسل كان دور زوجة خاينة خانت جوزها الفنان عمر الحريري و اتجوزت بعدها الفنان زين العشماوي الله يرحمه وسابت بنتها الصغيرة تموت و راحت شهر عسل مع جوزها الجديد،بعدها كان عندي اجتماع مجلس آباء في مدرسة بنتي،ولما روحت المدرسة وكان في طفل جاي يجيب لي وردة لقيت بنت قلتله لأ لأ دي وحشة دي شريرة متديهاش الوردة .. أنا اتخضيت قلتلها ليه بس يا حبيبتي بتقولي كده ؟ قلتلي انتي شريرة .. طفلة .. متقدرش تزيف مشاعرها.

واكملت رجاء الجداوي،رجعت البيت منهارة و زعلانة .. حكيت لأميرة قلتلي أيوه يا ماما كلهم بيقولوا عليكي شريرة علشان انتي سبتي أونكل عمر واتجوزتي واحد تاني و سبتي بنتك تموت ،حزنت جدا قلتلها بقى الأطفال بيقولوا عليّ أنا كده !

في الوقت ده جالي مسلسل أوراق الورد وكانت الفنانة وردة المفروض في الدور عندها ولد وبتطلق وجوزها بياخده وبيتجوز مرات أب اللي هي أنا وبعذب في الطفل ده ،قلتلهم لأ أنا مش هعمله قالولي ليه ؟ قلتلهم بنتي قلتلي إني أنا شريرة مقدرش. من يومها بقيت أحط في اختياراتي إيه اللي ممكن يسيء لبنتي أو يضايقها أختار إيه ومختارش إيه.

 ساعات لما أميرة كبرت كان يجيلي دور آخد رأيها فيه تقولي لأ مش شايفاكي فيه ،أقولها يا أميرة ما أعمله ده الدور كبير وممتد وماديا كويس ،تقولي يا ماما ده شرط وهيفضل طول عمره موجود من فضلك بلاش.