لما ربنا ياخدني هرتاح.. حمو بيكا يتمنى الموت بسبب التنمر…فيديو

أبدى مؤدي المهرجانات حمو بيكا استيائه وحزنه من حملة السخرية والتنمر والانتقادات التي تعرض لها مؤخرا، بعد انتشار صورة داخل أحد المستشفيات بعد تعرضه لأزمة صحية كنتيجة لأزمته الأخيرة مع نقابة المهن الموسيقية.

وقال حمو بيكا في بث مباشر عبر حسابه الشخصي بموقع التواصل الاجتماعي فيسبوك: لما ربنا ياخدني هستريح، أحسن ما أعيش مش عارف أخد حقي، بلاش تتنمر على الناس.

وتابع: استفادتوا إيه لما بتتنمروا عليا، مش بقول غير حسبي الله ونعم الوكيل في كل واحد قال عني كلمة وحشة، ربنا يهديك لنفسك، لأن اللي عندك ده مرض.

https://www.facebook.com/hamooobika/videos/1316685868756407/?t=41

مرض حمو بيكا

تعرض مؤدي المهرجانات حمو بيكا، لوعكة صحية شديدة مؤخرًا، ويعاني من مرض نادر وهو "الكرونز" بحسب محمد حلمي مدير أعمال حمو، والذي أكد أنه يعاني أيضا من أزمات نفسية بسبب أزمته مع النقابة.

وقال: هو لسه تعبان لأن ما يعاني منه هو تعب نفسي، هذا بجانب مرض الكرونز النادر الذي يعاني منه بالمعدة، وهو حاليًا في البيت لكن لسه تعبان.

وتابع: والله أنا وحمو بنجمع 130 ألف جنيه عشان يأخذ الحقنة ولسه لحد دلوقتي المبلغ لم يكتمل، والناس مفكره إنه معاه ملايين ومش شايفين هو فاتح كام بيت وبيصرف على ناس كتير، ربنا أكيد شايف ده وهيرجع يغني تاني في بلده.

وتصدر حمو بيكا تريند مواقع التواصل الاجتماعي، بعد حديثه مع الإعلامية ياسمين عز في برنامج كلام الناس، المذاع عبر قناة mbc مصر.

وأعرب عن استيائه وغضبه الشديد من أزمته الأخيرة مع النقابة، بعد قرار إيقافه ومنعه عن الغناء، حيث قال باكيًا: مستعد اعتزل دلوقتي ومش عايز أدخل امتحانات النقابة تاني.