تعرف على رأى المخرج ”خالد جلال” في مسرحية ”صباحية مباركة ” خاصة الفنان أشرف عبدالباقي

قدم الفنان أشرف عبد الباقي المخرج خالد جلال للجمهور حيث قال:"دا بجد الأب الروحى لكل الشباب اللى موجودين وظهرو الفترة اللى فاتت هو الفنان الكبير الأستاذ خالد جلال" وأضاف :"إحنا بنشكره على المجهود الكبير اللى عمله لحد انهارده "

وصرح المخرج "خالد جلال" عن رأيه في أحدث مسرحيات أشرف عبد الباقي "صباحية مباركة" وقال:"العرض جميل جدا وانا عاوز اقول ان دى مش حاجه مستغربة على أستاذ أشرف عبد الباقي " وتابع:"هو رجل المشروعات الناجحة هو صديق عمر طبعا وأول مرة انا اخرجت في حياتى في القطاع الخاص كانت بطولة الأستاذ أشرف عبد الباقي "

وأضاف:"وأعتقد انه طول عمره صاحب مشروع مسرح هو رجل مسرح وبيحب يعمل مسرح وبيحبيشتغل في المسرح بشكل دائم وزى مانجح في مسرح مصر إنهارده بيعمل تجربة تانيه وزى مانجح في عرض مسرح الريحانى هو انهارده بيعمل تجربة تالتهناجحه مختلفة زى المسرحيات الكبيره ذات الفصلين اللى الناس بتجيلها مخصوص وممكن تقعد تتعرض فترات طويلة جدا"وأوضح :"اصعب حاجه في الكون انك تعدى نجاحك اللى قبل كدا وانا أعتقد انهارده ان هما عدوا نجاحهم اللى قبل كدا..أنافخور ان مجموعه كبيرة منهم من ولادى وفخور باللى بيحصل انهارده وبإنهم تجاوزو نجاح مسرح مصر" وتابع:"إخراج لطيف جدا وبسيط ومتحسش أبدا بزمن المسرحية يعنى عمرك متحس بوقتها بتمر بسرعه وبشكل لطيف وفيها ضحك كتير جدا "

واختتم:"انا اعتقد انهم عندهم خبرة كبيرة طبعا بعد مسرح مصر وانهارده حطوا خبرتهم كلها في العرض بتاع انهارده والعرض ممكن يستمر ويقعد كتير في المسرح لأنه كوميديا محترمة مفيهاش أى نوع من أنواع الإساءة ..وأعتقد ان دا هو دا التارجت بتاع أ. أشرف عبد الباقي هو بيعمل كدا طول عمره من ساعه لما كنا مع بعض لغاية انهارده هو دا مشروعه المسرح"

رامز جلال يستعيد ذكريات برنامج ”رامز مجنون رسمي”

بريس_اسعار الذهب اليوم_مباريات اليوم الدوري المصري_مباريات الاهلي_اسعار الذهب اليوم في مصر_بنشرقي_فايلر_الاسماعيلي_مرتضى منصور