محمد الأشقر يكتب : نبضات
صباح الخير حبيبتي..
اسمع شهيقك.. زفيرك
اسمع اهاتك.. زغاردتك
اسمع خرير مائك
صرخه شهيدك.
اسمع صوت ال لا.
في ظلام الشارع والميدان.
وصوت ال نعم
عندما يعتدل الميزان.
اسمع صوت الجعان
وانتفاخ رجل الاعمال.
اسمع صراخ الوليد
خايف من الاوهام.
وحلم شاب وفتاه
في عش صغير.
يسافر الحلم بعيد..
يصحي.. ينام..
ساعات بيطير. يرقص
مع اسراب الحمام
وساعات محبوس
في الاغلال.
يحلم.. بباريس
روما.. اليونان.
يرجع فرحان سعيد
معاه مهر بهيه
معاه عقد الشقه
والشبكه والفستان.
او محفوظ داخل صندوق
ملفوف بالاكفان.
مات في القارب
او بره القارب
ماهو مات من زمان.
مات يوم سرقه الحلم
من قلب الميدان.
شبح بجلباب وشعر كثيف
لم يستحم من اعوام.
اتخانق مع بلطجي وسياسي
علي ملكيه الميدان.
نزف الشهيد. دم كثير
غطي تراب.. رصيف الميدان.
هب الخفير للانقاذ
انقذ الميدان.. واهل الميدان.
استحلي. الاقامه.. المبيت
في قلب الميدان
قال مجرد ايام..
قعد.. فرد رجليه الاثنين.
احضر اصحابه ومحبيه
وظل شهور.. اعوام
والكلام الان..
قاعد عقود.. قرون
مش من حقك.
تسال عن الوعود.. التفاسير
وماقيل من كلام.
وهل يفسر الاسد
للابقار والاغنام
سر ماكان في الغابه والبستان ؟
مسموح لاهل الغابه والقطيع
بالاكل.. النوم.. وبعض الضجيج.
غير ذلك ممنوع.. ممنوع.
لكن في ميدان الجامعه
نهايه الشارع الكبير
اسمع صوت واحد
لشاب وفتاه..
يقول لا.. لا.
اسمع شهيقك.. زفيرك
اعلم.. اني اعيش الحياه.
اشتاق منك.. قبله الحياة
