.jpg)
كلام في المليان
ست الكل
مين يحس بشقاكي فاكرينك راكبه ملاكي
شايفينك على الفرش معلمه
بتقبضى فلوس ومخزنه
والكل يقول ياريتني انا
و محدش حاسس بالبهداله
فى الزل بقالك كام سنه
محدش يعرف غيرى انا
وياريت سابوكى في حالك
دول بيقولوا امك دعيالك
لو شافوا شقاكى على عيالك
كان واحد فيهم دعالك
فى الفجر بتصحى من نومك
علشان تجيبي رزق يومك
في السوق زى الرجاله
ومش عايزه من حد اعانه
قاعده وفى سرك بتقولي
اه ياغولبى اه يانا
دامافيش ناس سمعانه
فى البرد قاعده كمشانه
والناس في بيوتهم دفيانه
وتيجي الحكومه وتقولك
يست دانتى قرفانه
والناس ماشيه زعلانه
ومحدش حاسس بيكى
من كتر البضاعه اللى حواليكي
ولاحد عارف اللى ليكي
ولاحد عارف اللى عليكي
والكل باصص فى ايديكي
وفاكرينها حلوه حواليكي
مع انك قادره زى غيرك
تمشي وتلعبي بديلك
يما حريم سهرانه
في الخمرات مش دريانه
ويروحوايصقفو لهم
وفي الشوارع يقفو لهم
علشان انتي عفيفه
وقويه مش ضعيفه
ميتعملكيش تشريفه
عينى عليكى يغلبانه
من الشقا تعبانه
و الناس بيكي مش دريانه
تحياتى
لكل ست شقاينه بياعه ا وخلافه.
لكي منا كل الاحترام والتقدير وربنا يقويكم
من خواطر واحاسيس احمد باتا على قد تعليمى
