بدرية طلبة عن معلمة المنصورة: خربتوا بيتها منكم لله

علقت الفنانة بدرية طلبة عبر فيسبوك، على واقعة معلمة المنصورة، التي تم فصلها وطلاقها، بسبب فيديو الرقص المتداول، على صفحات السوشيال ميديا.

وقالت: "الناس اللي كبرو موضوع المُدرسة وكانو سبب في خراب بيتها منكم لله، دة انتو لو كنتو ظبطوها في بيت دعارة مكنتوش عملتو كل اللي انتو عملتوه دا".

معلمة المنصورة 

واستكملت: "هى اجرمت في ايه؟ علشان طلعت رحلة مع زمايلها وفكت عن نفسها ورقصت وضحكت وهزرت ؟ طب كويس والله!! متنسوش بقى تحطو قانون ممنوع اى مُدرسة تفرح او ترقص في فرح بنتها او ابنها".

وتابعت: "عيب ياجماعة دى مُدرسة بردو واي مُدرسة نفسها تعيش يوم حلو تدارى وتستخبي علشان ميتعملش معاها الجلاشه !!! وأحنا ماشاء الله عندنا شويه ناس الاخلاق بتخر منهم!!!! دمرتوها الله يبتليكم باللي متقدروش عليه".

بدرية طلبة 

يذكر أن بدرية طلبة دعمت الفنانة شيرين عبدالوهاب بعد طلاقها من المطرب حسام حبيب وحلق شعر رأسها. 

ونشرت بدرية طلبة مقطع فيديو عبر صفحتها على موقع التواصل الاجتماعى فيسبوك، تعلق فيه على ظهور شيرين عبد الوهاب حليقة الرأس بعد انفصالها من حسام حبيب.

وقالت بدرية طلبة: “هحلق زلبطة على الزيرو.. تضامنا معاكي، الواحدة ما بتصدق شعرها يطول أقوم أنا طالعة عالناس بلبوصة كدا.. مفيش راجل يستاهل التضحية”.

وأوضحت بدرية طلبة: "عملتي كدة علشان عندك اكتئاب؟ العالم كله عنده اكتئاب لو حسيتي بكدا كلميني قوليلي بدرية أنا عندي اكتئاب وأنا هخليكي تخرجي منه زي ما يكون مولودة من جديد.. وبعدين صعب أوي اللي انتي عملتيه مفيش راجل يستاهل التضحية دا هما سبب الاكتئاب"، مشيرة إلى أن ما أقدمت عليه شيرين كان بسبب الحسد وليس الاكتئاب.

مسلسل البرنس

وقالت بدرية طلبة: "أنا بس عايزة أفرحك وأضحكك شوية، إنتي جميلة وأنا بحبك وبحب صوتك، وكل الناس بتحب صوتك، إنتي ست موهوبة وجميلة".

جدير بالذكر، أن آخر أعمال الفنانة بدرية طلبة في مسلسل " البرنس" مع محمد رمضان وأحمد زاهر وادوارد و روجينا وكوكبة من النجوم ، و مسلسل " ونحب تاني ليه " مع ياسمين عبدالعزيز وكريم فهمي وسوسن بدر وشريف منير الذي تم عرضه في رمضان 2020 وحقق نجاحًا كبيرًا.