شيرين رضا : ”معنديش وقت للحب وهذا ما يلفت نظري في الرجل”
أكد النجمة شيرين رضا، عدم صحة الشائعات التي تزعم ارتباطها بشاب أصغر منها بـ28 عاما، مضيفة: "مش مرتبطة بحد أصغر مني بـ28 سنة، ومعنديش وقت للحب وأنا بشتغل طول الوقت ومعنديش مجال في يومي يكفي حد زيادة في حياتي".
وكشفت النجمة شيرين رضا، خلال حوار ببرنامج "حبر سري"، مع الإعلامية أسما إبراهيم، على قناة "القاهرة والناس"، عن الصفات التي تجذبها في الرجل، قائلة: "اللي يلفت نظري في الراجل أنه يكون بيضحكني، وأنا عندي في يومي حاجات سخيفة كتير وأن يكون في حد بيضحكني حاجة جميلة".
وكذبت الفنانة شيرين رضا، الشائعات التي تزعم وجود خلافات بينها وبين غادة عادل قائلة: "فى إشاعات بضحك، وأنا وغادة عادل بنعمل فيلم مع بعض اسمه بنات رزق فيلم كوميدي ومش مقاطعين بعض".
أكدت النجمة شيرين رضا، أن معظم زيجات الوسط الفني لا تنجح ليس فى مصر فقط ولكن وسط نجوم هوليوود أيضا، قائلة: "جوازات الوسط الفني مش بتكمل مش عارفه ليه ومعرفش السبب ممكن تبقى غيرة أو قلة المقابلة ولكن في نماذج ناجحة زي منى زكي وأحمد حلمي".
وعلقت شيرين رضا، قائلة: "نمسك الخشب على علاقة منى زكى وأحمد حلمي، وفى أجيال تانية بتنفع فيها العلاقة ولكن المعظم مش بينفع"، لافتة إلى أنها تدعم ابنتها نور في مشوار زواجها لأنها سعيدة بالزواج.
واستكملت: "نور بنتي لما جت تقبل على فكرة الزواج كنت عايزاها تبقى سعيدة، وهي شيفه السعادة أنها تتجوز وأكيد هقف جنبها وقلت لها عشان تعيشي مع حد لازم تبقوا أصحاب"، مؤكدة أن العلاقة تفشل بين الراجل والمرأة حينما ينسوا أنهم اصحاب وأهم حاجة فى العلاقة تكون الصداقة.
شيرين رضا : "معظم أصدقائي رجالة والستات في بينهم نفسنه بضايقني"
قالت الفنانة شيرين رضا، أن معظم أصدقائها الرجال منذ مرحلة الطفولة في المدرسة وما زالوا موجودين حولها، قائلة: "أنا قلت معظم أصدقائي رجالة وهم أصدقائي من أيام المدرسة من سن الطفولة وموجودين لسه حواليا والبنات منهم اللي سافرت واللي عاشت بعيد"،مضيفة: "الستات في بينهم نفسنه ودي حاجة مش بحبها، واحنا كستات بقالنا سنين طويل بنحاول نأخذ حقوقنا في هذا الجو".
وتابعت: "بنحاول من سنين نأخذ وضعنا فى المجتمع ولا يمكن ننجز أى حاجة واحنا بنحارب بعض ولو عايزين نعمل كده منتكلمش على المساواة مع الرجل وحقيقي مقولة
الست أقوى عدوى للست، ونفسي المنطق ده يتغير وعندي أمل الاجيال الصغيرة يغير اللي بنشوفه حاليا".
