الخميس 29 سبتمبر 2022 12:48 صـ 3 ربيع أول 1444 هـ
بوابة الديار الإليكترونية | جريدة الديار
رئيس مجلس الإدارة أحمد عامررئيس التحريرسيد الضبع

عمرو أديب عن فوز الزماك: الشناوي جاله كوابيس

عمرو أديب
عمرو أديب

قال الإعلامي عمرو أديب: "أتوجه بكل السعادة والحب إلي النادي الموهوب العظيم الجبار القوي نادي الزمالك الرياضي الملكي بفوزه بكأس مصر، واللى اتعمل امبارح مش ماتش ولكن لوحة فنية.. إيه لعب الزمالك ده وإيه الموهبة العبقرية دي، الزمالك فاز امبارح بالموهبة بنتكلم على 16 أو 18 لعيب موهوب، هذا نادي ملكي عبقري".

وتابع خلال برنامج “الحكاية” المذاع على قناة “إم بي سي مصر”:"من إمبارح بيتكلموا الأهلي خسر ليه مش الزمالك كسب ليه، فأنا بقول إن الزمالك فاز بالأمس لأنه عنده عدد من اللعيبة الموهوبة العبقرية، وفيريرا أعطاهم ثقة غير عادية، والزمالك كان قادر يكسب الشوط الأول 4 أو 5 أهداف والأهلي كان مستسلما ومسلم".

وأضاف: "الولد بن شرقي شاط كرة في العارضة ولكنها أبت والقائد الشناوي ابتدي يزعل وكان عنده كوابيس من اللى بيجري، ومفيش مرة الزمالك راح لدفاع الأهلي الا وعدا منه من هاني وعلولو وبلولو عدينا منهم بمهارة عبقرية".

وتابع: "فيريرا عمل أخطاء في التغييرات لما طلع سيف الجزيري، بالأمس فاز الفريق الأفضل اللى كان قادر يقف على رجيله، ورغم هجوم الأهلي في الشوط الثاني كان فيه اوقات الزمالك من خلال الممرات والشوارع يجيب اجوان، الأهلي مش عايز مدرب جديد ولكن الأهلي عايز فريق جديد، والخطة بتاعت فيريرا عبقرية والمدرب ده حل مشكلة الكرة المصرية في التسليم والتسلم واتفرجنا على فرقة بتقوم بكل فنون الكرة الحديثة، اعطوا فريق الزمالك حقهم ".

وأكمل: "الزمالك كان نازل ثابت وقوي وأحلى شوط أول كامل شوفته للزمالك في حياتي، ومشوفتش زي بن شرقي ولا زيزو ولا الونش ولا الجزيري ولا عواد، ومحمد عواد تعملق وقال انا هنا أهو قمر 14 أهو، وهو ده الزمالك اللى نعرفه فن ولعب ومدرسة وكل ده من البروفسير، ولكن هو خاف وخوفه ده خلى الأهلي يرجع في الماتش وكان بيقرأ قراَن، ولكن في النهاية قدرنا نعدى ونكسب، والونش ده مطهر ديتول وملقاط، وامام عاشور ده كتلة من الموهبة والذكاء وده يلعب في اوروبا ولكن انا متمناش وعايزه يفضل في الزمالك".

وتابع:"اشرف بن شرقي بص يا ابني لومعايا فلوسك يا ابني ادفعهالك، وامبارح وصل للاعيبة الأهلي انه محدش هيقدر عليه وهيعدي من أي حد، يا جماعة عايزين بن شرقي ده عظيم ولاعيب برلنت وألماظ".

وأشعلت خسارة النادي الأهلي كأس مصر، فتيل الغضب داخل جدران القلعة الحمراء مما أدى لهجوم جماهير الأحمر على مجلس الإدارة واللاعبين.

أصدر محمود الخطيب رئيس النادي الأهلي قرارا بتوقيع غرامة مالية لكل لاعب بالمارد الأحمر قدرها 30 ألف جنيه، وهو ما أبلغ به سيد عبد الحفيظ مدير الكرة اللاعبين اليوم.

يذكر أن مجلس إدارة الأهلي قرر استمرار تجميد مستحقات اللاعبين حتى تحسن الأداء خلال المباريات خاصة بعد خسارة كأس مصر أمام الزمالك أمس بهدفين مقابل هدف.