«بألف سلامة».. رانيا ياسين تعلق على اعتزال أدهم نابلسي
الديار - نرمين إمام
دافعت الفنانة رانيا محمود ياسين، عن الفن وذلك بعد اعتزال المطرب الأردني أدهم نابلسي مساء اليوم بدعوى أن الفن "حرام".
وعلقت رانيا، من خلال صفحتها الرسمية على موقع التواصل الاجتماعي "فيسبوك": "اللي عايز يسيب الفن يسيبه بألف سلامة لا المواهب هتنضب ولا الفن ولا الدنيا بتقف على حد #الفن_رسالة رغم أنف الهرايين".
وأوضحت في التعليقات قائلة: "مطرب اسمه أدهم نابلسي، اعتزل الصبح على أساس إن الفن حرام والجو ده".
وعلق بعض متابعينها قائلين: "آه لسه قاريه الخبر من شوية، استغربت رغم إنه موهوب بجد وصوته حلو، عايز يعتزل أو ربنا هداه دي حاجة بتاعته، لكن ربنا اللي يحرم ويحلل، ميطبقش ده على العام كل حد حر في حياته وكل حد ليه وقته وأذان".
واعتزال "نابلسي" الفن من خلال فيديو قصير نشره من خلال حساباته الرسمية على مواقع التواصل الاجتماعي.
وقال "نابلسي": "أن كل شخص في حياته عنده أهداف وأحلام ودائما بيحاول إنه يحققها، وبيتعب عشان يحققها، بس مش ده الهدف الحقيقي لوجدنا في الحياة، الهدف الرئيسي لوجودنا في الحياة ويمكن ناس كتير غافلين عنه وأنا واحد من الناس اللي كنت غافل عنه، إحنا وجودنا في الحياة عشان نرضي الله رب العالمين ونكون زي ما ربنا أمرنا في الآية القرآنية (وما خلقت الإنس والجن إلا ليعبدون)".
وأكمل: "مش مشكلة يكون عندك أهداف، بالعكس صحي جدًا إن يكون عندك أهداف وصحي جدًا إنك بتكون بتحاول تنتج وتعمل الشغلات اللي انت بتحلم بيها، بس يكون متناسق هذا الهدف مع هدف وجودك في الحياة وهو عبادة رب العالمين، وإنك تكون عارف في حياتك إن في صح وفي غلط وتحاول دايما إنك تعمل الأحسن".
واختتم: "بالنسبة لي الهدف اللي كنت ماشي فيه والحلم اللي كنت ناوي أحققه، ما يرضي رب العالمين، وأغلب المقربين مني عارفين أني هييجي يوم وأعتزل، فالحمد لله بفضل الله، اعتزلت الغناء نهائيًا".
