جريدة الديار
الجمعة 1 أغسطس 2025 02:32 صـ 6 صفر 1447 هـ
بوابة الديار الإليكترونية | جريدة الديار
رئيس مجلس الإدارة أحمد عامررئيس التحريرسيد الضبع
اتهامات لطبيبي التخدير والأسنان بالتسبب في وفاة طفلة بالبحيرة رصف الطريق المؤدي إلى الجامعة الأهلية بدمنهور يعزز السلامة والراحة للطلاب محافظ البحيرة تقود حملة رقابية مفاجئة على الأسواق بدمنهور لضبط الأسعار وضمان جوده السلع المعروضة غلق «6» منشآت تجارية غرب الإسكندرية جولة وزير قطاع الأعمال ومحافظ الإسكندرية بمنطقة المعمورة شرق الإسكندرية ختام فعاليات البرنامج التدريبي للعاملين بزراعة الإسكندرية تكريم المخرج الفرنسي «جان بيير » بمهرجان الإسكندرية السينمائي الدولي محافظ الدقهلية يشهد ختام الدورة التدريبية حول إدارة الأزمات والأمن القومي وحروب الجيل الرابع ويُسلم شهادات اجتياز التدريب لـ100 متدربًا الكونغرس الأمريكي يرفض قيودًا على مبيعات السلاح لإسرائيل انتخابات الشيوخ 2025: موعدنا غدًا خارج مصر الوطنية للانتخابات”: يجب على كل مواطن اختيار عدد المرشحين المطلوب لمحافظته حتى يكون صوته صحيحا تفاصيل إنقاذ سيدة محتجزة في مصعد بمول تجاري في العبور

الدكتور أحمد حمدى يكتب .. هتشترى الأضحية ولا خايف من الحمى القلاعية

الدكتور أحمد حمدى
الدكتور أحمد حمدى

مصر كلها في الأيام الأخيرة بتتكلم عن الأضاحي ولحمة الأضاحي ولكن التساؤلات والتخوفات من مرض اسمه الحمى القلاعية منتشر في الحيوانات

وده اللي مخلي كل واحد محتار ياترى هعمل إيه ؟
وهشتري منين ؟

وإيه هو مرض الحمى القلاعية ده ؟

وإيه مدى أضراره ؟

صرح الدكتور أحمد حمدى "شبح المجازر" لجريدة الديار برد على جميع التساؤلات حيث ذكر أن:-

مرض الحمى القلاعية هو مرض فيروسي بيصيب الأبقار والجاموس والأغنام والماعز وكل حيوان ب ظلف مشقوق

أعراضه هي التهابات في الفم واللسان وهتلاقي اللعاب بيسيل من فم الحيوان بكثافة ده غير برضو التهابات في الضرع والأقدام
وبيسبب عرج أو صعوبة في الحركة
ده غير كمان فقدان الشهية نتيجة التهابات الفم
وقلة إدرار اللبن نتيجة التهابات الضرع

سؤالك المتوقع هنا هو هل بينتقل للإنسان ؟
نادر جدًا جدًا ولكن خطورته الحقيقية بتكمن في تأثيره على الثروة الحيوانية

بينتقل ازاي ؟
عن طريق ملامسة اللعاب او التلوث بالبراز أو استنشاق الفيروس من الهواء ؟

طب واللبن واللحمة ؟
لو متمش غليهم بدرجات حرارة كافية بينتقل لكن تأثيره على الإنسان ضعيف جدا لكن الخوف من البكتريا المسببة للأمراض اللي بتنمو في لحوم الحيوانات المريضة.
وده بيختلف عن مرض اخر بيصيب الانسان اسمه حمى اليد والفم والقدم
لكن مش اللي بيصيب الحيوانات

أشتري ازاي الأضحية؟

وأنت بتشتري حيوان الأضحية لازم ميكونش هزيل ولا درجة حرارته مرتفعة وكمان مفيش لعاب كثيف سايل من فمه وحركته طبيعية وحيوية وأقدامه سليمة

طيب لو هشتري لحمة أعرفها ازاي ؟

اللحمة المصابة بتكون محتقنة ولونها داكن ولو هتحطها في مياه لون المياه هيبقى احمر ولما هتتغلي هيطلع ريحة وحشة .

هل فيه مكان مضمون اشتري منه ؟

أي جزار ثقة بيكون بيدبح في المجزر اشتري منه لأن أطباء المجازر بيكشفو على الحيوان قبل وبعد الذبح

هل فيه طريقة أضمن بيها أكتر ؟

تسوية اللحمة بشكل جيد وتعريضها لدرجات حرارة مرتفعة لقتل أي ميكروب

إيه اللي أبعد عنه في الأكل كوقاية وأريح دماغي ؟

لو عايز تريح نفسك بلاش لحمة الرأس والأحشاء والكوارع .