عمرو محمود ياسين: صفحتي الشخصية مش جورنال ماتذوقيني ياماما
أسماء جاد الحق
وجه الكاتب والسيناريست عمرو محمود ياسين رسالة لاحد متابعيه من خلال منشور كتبه علي صفحته الشخصية علي مواقع التواصل الاجتماعي فيسبوك.
وقال عمرو: نفسي الناس تفهم إن صفحة الفيسبوك بتاعتي دي مش جورنال ماتذوقيني ياماما ولا هي جريدة الحائط ولا هي النسخة المحدثة من جرايد زمان، دي صفحتي الشخصية.
وتابع قائلا: بكتب فيها الامور اللي تخصني وتهمني انا اللي هي بالمناسبة ممكن ماتكونش تهمك انت، بس بما انك عاملي فولو فانت مهتم اما بالشخص او باللي بيكتبه فا حضرتك وانت بتعلق عندي راعي ان دي صفحه شخصيه خاصة بيا امتلك فيها حرية ما اقول بنسبة مائة بالمائة.
وأوضح قائلا: ممكن مثلا اكتب تصريح للصحافة الفنية فا ماتجيش حضرتك تسألني انا استفدت ايه وانا اشغل نفسي ع فسسبوك افيدك ليه انا مالي؟؟ هي فولو الصفحه عندي باشتراكات شهرية؟؟ ياريت والله.
وأنهي ياسين منشوره قائلا: بس لو الفن مش باهتماماتك طيب انتي بتعملي فولو ليه ؟ عشان ترازيني؟ مش هتعرف فا بلاش نحرق بنزين علي فاضي يا اخوه.
