همت مصطفى تكتب .. محطة الاتجاه

أعرفك من زمان ؟ !

لأ .. لسه فارض نفسك 

على خريطة الاختيار

من دقايق في مفترق طرق 

لكن  شربت  من حنانك

ومن ملامـــحك ارتويــت

وعادت  الروح من جديد

بعد غيبوبة سنين متلخبطة

بوشوش كتير متشخبطة

بعطش للهوى

وللتلاقي  بعد غياب

وحنين لذكريات مينتهيش 

وهيجى يوم وتقول سلام ،

بعد ساعة  أوشهور أو سنين

مش هارتجف ولا هخاف

ولا هتنزل دمعة واحدة من عيوني

عشان فايتلى طوق نجاة

من طوفان الوحدة وأنت غايب  

من غير وعود بالرجوع 

يحميني من غول القلق  والانتظار 

 قالت عيونك لزهرة برية

في أول لقا  وأول سلام 

كوني حياة

كوني محطة الا تجاه