”إيمان أبو الليل“ تكتب : تخاريف

وفاض الهم أنا وحيرتي ف توهة مركب الأحزان

وموج الغم دوامة بلا بوصلة ولا عنوان

وحلم الواحة نسج لوهم يعصف به جفا الأيام

يا ريت أهرب واعيش ف الكون حالة نسيان

حياة بركان ساعات خامل ولما يفور أذى وهوان

تبكينا على روحنا وتحرقنا دموع النار

وتكسرنا برودة روح مجاديفها كما الطوفان

تتوه منا مراسينا وضاعت وصفة الأوطان

وتاه رسمي وبقي اسمي ودوقني بكا الحرمان

حاولت أغزل توب الفرحة فكان عصيان

عجزت اجمع شتات نفسي مع الألوان وكيف اختار

فكان غزلي ما هو توب وله ألوان لكنه اكفان

وعطره تقيل بتقل الهم ما هو وافي

يفوح بالغدر وله دخان مرار كافي

كأن اليوم بيعزف لحن ناي جافي

جريت ودخلت محرابي

وتاني جوا الكهف

هاعيد رسم أوصافي