جريدة الديار
الخميس 28 مارس 2024 03:29 مـ 18 رمضان 1445 هـ
بوابة الديار الإليكترونية | جريدة الديار
رئيس مجلس الإدارة أحمد عامررئيس التحريرسيد الضبع

حمو بيكا يسخر من أم كلثوم والعندليب بتلك الطريقة

حمو بيكا
حمو بيكا

الديار - محمود توفيق

هاجم مطرب المهرجانات حمو بيكا، الفنان هاني شاكر، نقيب المهن الموسيقية، والفنان تامر عبد المنعم، بعد حديثهما، أمس الثلاثاء، في الصالون الثقافي بقصر السينما.

وقال بيكا، في بث مباشر عبر حسابه على انستجرام: «لقيت ندوة كبيرة معمولة والدنيا مقلوبة علينا، فيها ممثلين وواحد ممثل اسمه تامر عبد المنعم ويقولك أنا مش هتكلم غير لما الناس تنزل من على المسرح.. المكان اللي عامل عليه الندوة ده اسمه المنصة، متقولش مسرح إنت مش واقف تغني، الناس كلها بتتكلم باسم مصر، وأنا بحمل هوية مصرية وعندي ولاء أكتر منكم في البلد دي،
عصر أم كلثوم وعبدالحليم كان زمان».

وتابع: «عاملين ندوة كبيرة وطالعين تستهزأوا بينا، أنت متستهزأش بيا، عصر أم كلثوم وعبدالحليم كان زمان مش دلوقتي خالص، إحنا في سنة 2021 وده جيلنا وعصرنا احنا بعد إذنكم».

واستكمل: «بيقولوا لو عايزين تغنوا غنوا برة مصر..ليه؟، ما دي بلدنا برضو، إحنا محدش يمنعنا وإحنا في بلد حرية ومفيهاش منع، وبلد بتتقدم بالجمال والحلاوة.. ومفيش كلام خارج بيطلع مني».

واستطرد: «وحدوا الله ومش تحسسونا إن إحنا بيئة وزبالة، أنتم شايفينا كده عشان عايزين تشوفونا كده، الظلم حرام، وأنا بتكلم عن نفسي، وبقالي 5 سنين وغنيت إسفاف ولكن ده من زمان، ووقتها مكنتش أعرف يعني إيه نقابة ولما عرفت بطلت ومفيش كلام خارج بيطلع مني».

موضوعات متعلقة