جريدة الديار
الأربعاء 25 يونيو 2025 11:22 صـ 29 ذو الحجة 1446 هـ
بوابة الديار الإليكترونية | جريدة الديار
رئيس مجلس الإدارة أحمد عامررئيس التحريرسيد الضبع
بنك ناصر يدعم أطفال الشلل الدماغي بجهاز عالمي بقيمة 12 مليون جنيه النظام الإيراني مستمر في كشف واعدام الجواسيس بمشاركة جميع الادارات.. الوحده المحلية تنظم قافلة طبية شاملة بقرية بويط بالرحمانية مهرجان بمركز التنمية الشبابية بالمنصورة ”احتفالاً باليوم العالمي لمكافحة المخدرات الاستثمار في الوقاية” السفير دانون:” اسرائيل اضطرت إلى القيام بما خشي المجتمع الدولي القيام به وتحييد التهديد الإيراني” ”الرشيدي”: لجان الثانوية العامة بالدقهلية تواصل أعمالها وسط متابعة ميدانية مشددة ورشة عمل لتعزيز مهارات الذكاء الاصطناعي للعاملين بمعهد طيبة العالي لتكنولوجيا الإدارة والمعلومات محافظ القليوبية إعتمد نتيجة الشهادة الإعدادية بنسبة نجاح 83.14% أسعار بيع وشراء الذهب اليوم الأربعاء أسعار العملات الأجنبية والعربية اليوم الأربعاء حالة الطقس ودرجات الحرارة اليوم الأربعاء ”السبكي”: مؤتمر إعلان نتائج مبادرة رئيس الجمهورية للكشف المبكر وعلاج الأورام ”من بدري .. أمان”

مدحت الشيخ يكتب: فضفضة.. أنا والحكومة

"العلاقة بيني وبين الحكومة علاقة رومانسية فاشلة... فيها حب من طرف واحد، والتاني دايمًا مشغول!"

أنا والحكومة شبه بعض... الاتنين عندهم نية طيبة بس ما بتكفيش.

هي بتوعد، وأنا بصدق.

هي بتتكلم، وأنا باندهش.

هي بتسأل "فين وعي الشعب؟"، وأنا باسأل "فين الشعب اللي في وعيكم؟"

الحكومة دايمًا بتقول إنها حاسّة بينا، وأنا حاسس فعلاً... بس بالتوهان

بيقولوا: "الأسعار نار عشان الإصلاح الاقتصادي"، وأنا بقول: "ما تخلّونا نولع سوا ونرتاح!"

بيقولوا: "شدوا الحزام"، ونسوا إن الحزام ده من كتر الشد بقى حبل مشنقة.

زمان كنت أظن إن الحكومة أمّنا... طلعت مرات الأب، بتدينا اللقمة وهي مخصومة من مصروفنا، ولو فكرنا نعترض، تقول: "ما هو كله لصالِحِك!"

أنا لا أكره الحكومة... أنا بس نفسي أعيش من غير ما أحس إن كل قرار بيتاخد، بيتاخدني معاه.

نفسي في يوم أصحى ألاقي الحكومة بتقول: "معلش"، بدل "شدّ حيلك".

نفسي تفتكر إن المواطن مش دايمًا قادر يتحمّل، وإن "التحمّل" مش سياسة.

بس أنا ماشي معاها، ساكت... زي الزوج اللي عارف إن مراته غلطانة، بس مش فاضي يعمل خناقة لأنه بيشتغل شغل تاني بعد الظهر... عشان يدفع فواتير الحكومة.

وأنا مالي؟ بس حبيت أفضفض.